សទ្ទានុក្រមវាក្យសព្ទវិទ្យាសាស្ត្រ

សទ្ទា​នុក្រមវាក្យសព្ទវិទ្យាសាស្ត្រ

សម្រាប់ថ្នាក់បឋមសិក្សា

ក

កញ្ជ្រឹល (ន) ៖  ជំងឺមានចេញស្នាមកន្ទួលក្រហមពេញខ្លួន មុខ និងក ។

កំណក (ន) ៖  ពេលវត្ថុរាវក្លាយជាវត្ថុរឹង ។

កំណញើស (ន) ៖  ពេលឧស្ម័នក្លាយជាវត្ថុរាវ ។

កញ្ចុំត្របក (ន) ៖  បណ្តុំស្លឹកតូចៗពណ៌បៃតងដែលជាប់ទងនឹងផ្កា ។

កញ្ចុំស្រទាប់ (ន) ៖  បណ្តុំស្លឹកមានពណ៌ ។

កសិករ (ន) ៖  អ្នកប្រកបរបរកសិកម្ម ។

ការបង្កកំណើតរុក្ខជាតិ (ន) ៖  ការចូលផ្សំគ្នារវាងគ្រាប់លំអងជាមួយអូវុល ។

ក្លរ៉ូភីល (ន) ៖  សារធាតុពណ៌បៃតង ដែលភាគច្រើនមាននៅក្នុងស្លឹក ។

កម្លាំង (ន) ៖  បុព្វហេតុដែលធ្វើឱ្យអង្គធាតុផ្លាស់ទី ខូចទ្រង់ទ្រាយ ឬមានចលនា ។

កម្លាំងទប់ទល់ (ន) ៖  កម្លាំងពីរប្រឈមគ្នាមានអំពើលើអង្គធាតុតែមួយហើយធ្វើឱ្យអង្គធាតុ

                             ផ្លាស់ទីឬប្រែប្រួល ចលនា ។

កម្លាំងទំនាញផែនដី (ន) ៖  កម្លាំងដែលទាញឱ្យធ្លាក់មកដី ។

កកិត (កិ) ៖ ត្រដុស ឬប៉ះយ៉ាងស្រាល ។

ការថប់ដង្ហើម (ន) ៖ ការពិបាកដកដង្ហើម ។

ការវិវឌ្ឍ (ន) ៖ ការរីកលូតលាស់ ។

ការសាក (ន) ៖ ការធ្វើមែកឈើឱ្យដុះប្ញសដើម្បីយកទៅដាំ ។

ការបង្ក​កំណើតក្នុង (ន) ៖ គឺជាការរលាយចូលគ្នារវាងស្ពែម៉ាតូសូអ៊ីត និងអូវុលនៅក្នុង  សារពាង្គកាយរបស់សត្វញី។

ការបង្កកំណើតក្រៅ (ន) ៖ គឺជាការរលាយចូលគ្នារវាងស្ពែម៉ាតូសូអ៊ីតនិងអូវុលនៅក្រៅ  សារពាង្គកាយរបស់សត្វញី។

ក្រពេញរំលាយអាហារ (ន) ៖ សរីរាង្គដែលមាននាទីបញ្ចេញរសសម្រាប់ជួយរំលាយ អាហារ ។

ក្តៀង (ន) ៖ ផ្នែករុក្ខជាតិជាដុំ ជាស្និតដុះក្នុងដីមានប្ញសព្រយោង និងមានពន្លក ។

ក្លែបសួត (ន) ៖ ផ្នែកស្រទាប់របស់សួត ។

កម្លោច (ន) ៖ ដុតឱ្យខ្លោច ។

កស្បូន (ន) ៖ ជាសាច់ដុំរង្វង់សំរាប់បិទផ្នែកខាងក្រោមនៃស្បូន ។

កាឡាក់ស៊ី (ន) ៖ ជាបណ្តុំផ្កាយដ៏ច្រើនរាប់លាន ។

កុងតាក់ (ន) ៖ ឧបករណ៍សម្រាប់ភ្ជាប់ ឬផ្តាច់ចរន្តអគ្គីសនី ។

កំពកខួរ (ន) ៖ មាននាទីសម្រាប់បញ្ជាលើចលនារំញោចផ្សេងៗ ដូចជាការលេប ការដកដង្ហើម ការក្អក និងការសើច។

កម្លាំងចលករ (ន) ៖ កម្លាំងដែលធ្វើឱ្យអង្គធាតុមានចលនា ។

ក្រិន (គុ) ៖ លូតលាស់ឡើងមិនរួច ។

ក្រពេញភេទ (ន) ៖ ជាក្រពេញបញ្ចេញក្នុងដែលទាក់ទងនឹងប្រដាប់បន្តពូជ មាននាទី សម្រាប់ផលិតអរម៉ូនភេទដែលធ្វើឱ្យមនុស្សមានលក្ខណៈខុសគ្នារវាង មនុស្សប្រុសនិងស្រី។

ក្រពេញពូជ (ន) ៖ ជាកន្លែងផ្ទុកស្ពែម៉ាតូសូអ៊ីត ។

ក្រពេញប៉ារ៉ាទីរ៉ូអ៊ីត (ន) ៖ ផលិតអរម៉ូនសម្រាប់ជួយសាច់ដុំធ្វើឱ្យមានកំណើនកាល់ស្យូមក្នុង  ឆ្អឹង និងរក្សាអត្រា កាល់ស្យូមក្នុងឈាមឱ្យនៅនឹងដដែល ។

ក្រពេញទីរ៉ូអ៊ីត (ន) ៖ ផលិតអរម៉ូនសម្រាប់ត្រួតពិនិត្យចលនាបេះដូង បរិមាណអុកស៊ីសែន កម្រិតថាមពលដែលត្រូវប្រើក្នុងសារពាង្គកាយនិងត្រួតពិនិត្យទម្ងន់ដើម្បី ឱ្យមានលក្ខណៈសមស្របទៅនឹងអាយុ ។

ក្រពេញអ៊ីប៉ូភីស (ន) ៖ ផលិតអរម៉ូនច្រើនប្រភេទសម្រាប់ត្រួតពិនិត្យការលូតលាស់                                   និងអរម៉ូនភេទ។

ក្រុមផ្កាយ (ន) ៖ ផ្កាយច្រើននៅផ្តុំគ្នា ។ ឧ. ផ្កាយកូនមាន់ ។

ក្រៀវ (កិ) ៖ វះកាត់ត្រង់គល់ទងយកពងស្វាសចេញ (ឈ្មោល)។ វះ​កាត់​យក​ស្បូន​ចេញ​ (ញី)​។

ក្លរ៉ូភីល (ន) ៖ សារធាតុបៃតងនៅនឹងស្លឹករុក្ខជាតិ។

ខ

ខ្យល់បរិសុទ្ធ (ន) ៖  ខ្យល់គ្មានជាតិពុល ខ្យល់ពេលព្រឹកព្រលឹម។

ខ្សែដែនមាញ៉េទិច (ន) ៖  សំណុំ​ខ្សែកម្លាំងទំនាញមេដែក ដែលភ្ជាប់​ពីប៉ូល​ជើងទៅប៉ូលត្បូង ។

ខ្សែអេក្វាទ័រ (ន) ៖  ខ្សែវ័ណ្ឌសន្មតមួយដែលចែកផែនដីជាពីរផ្នែកស្មើគ្នា ។

ខ្យល់ព្យុះ (ន) ៖ ខ្យល់ដែលបក់បោកយ៉ាងខ្លាំង ។

ខាន់ស្លាក (ន) ៖ ឈ្មោះរោគមួយប្រភេទកើតកណ្តាល ក ធ្វើឱ្យលេបបាយ លេបទឹកពុំរួច ។

ខាន់បៀត (ន) ៖ ឈ្មោះរោគម៉្យាង កើតបៀតបំពង់កធ្វើឱ្យលំបាកលេបបាយ លេបទឹក ។

ខ្សែកាប (ន) ៖ ខ្សែពួរ ឬខ្សែមានឬគ្មានស្រោមសម្រាប់យោង ឬចងសណ្តោង ឬសម្រាប់​ចំលង ចរន្តអគ្គីសនី ។

ខ្សែអាហារ (ន) ៖ លំនាំបន្ទេរថាមពលអាហារពីអ្នកផលិតទៅអ្នកប្រើប្រាស់។

ខួរក្បាល (ន) ៖ អាការ​នៅ​ក្នុង​ខួរក្បាល​ខាប់​ដូច​ចាហួយ​មាន​នាទី​សម្រាប់​ពិនិត្យ​សកម្មភាព​នៃ​គំនិត​ប្រាជ្ញា ស្មារតី និងផ្លូវកាយ។ ខួរក្បាលជាអ្នកទទួល​ និង​ផ្តល់​ព័ត៌មាន​ទៅសរីរាង្គវិញ្ញាណទាំង ៥។

ខួរធំ (ន) ៖ ជាកន្លែងសំរាប់ទទួលនិងបកស្រាយសារទាំងឡាយដែលបញ្ជូនមកពីវិញ្ញាណ

                   ទាំងប្រាំ។

ខួរតូច​(ន) ៖ មាននាទីសម្រាប់បញ្ជាលើចលនាពន្លា និងបង្រួញសាច់ដុំ និងជួយសម្រួលដល់ ចលនាបត់បែន ទន់ភ្លន់នៃសាច់ដុំ។

ខួរឆ្អឹងខ្នង (ន) ៖ មាននាទីសម្រាប់ភ្ជាប់ខួរក្បាលទៅនឹងសរសៃសារទាំងអស់ ដែលចូល ទៅខួរក្បាលនឹងចេញពីខួរក្បាលមកវិញត្រូវឆ្លងកាត់ខួរឆ្អឹង ខ្នងនេះ។

គ

គ្រុនឈាម (ន) ៖  ជំងឺដែលបណ្តាលមកពីមូសខ្លាខាំ ហើយច្រើនកើតមានចំពោះកុមារ។

គ្រុនចាញ់ (ន) ៖  ជំងឺដែលបណ្តាលមកពីមូសដែកគោលខាំធ្វើឱ្យអ្នកជំងឺឡើងកម្តៅខ្លាំង                   ហើយញាក់។

គុណវិបត្តិ (ន) ៖  ចំណុចមិនល្អ ។

គ្រេច (ន) ៖  ខ្ទាំសរសៃរ ភ្លាត់ ។

គ្រោងឆ្អឹង (ន) ៖  ប្រជុំនៃឆ្អឹង ។

គន្លង(ន) ៖ ផ្លូវធ្វើដំណើរ ឬដានរបស់រណបព្រះអាទិត្យ។

គាំង (កិ) ៖ អាក់ លែងធ្វើដំណើរ ។

គោលិកា (ន) ៖ ភាគល្អិតតូចៗដែលមាននៅក្នុងឈាម ។

គ្រឿងញៀន (ន) ៖ វត្ថុច្រើនមុខ ដែលធ្វើឱ្យយើងអត់មិនបាន ដោយធ្លាប់ប្រើវា ។

គ្រឿងសង្ហារិម (ន) ៖ គ្រឿងសម្រាប់ប្រើប្រាស់ ឬលំអដែលគេអាចលើកយកទៅមកបាន ។

គិលានុបដ្ឋាក (ន) ៖ អ្នកថែទាំអ្នកជំងឺ ។

ឃ

ឃ្នាស់ (ន) ៖ របាឈើ ឬដែកមួយយ៉ាងមាំដែលចល័តជុំវិញចំណុចនឹងមួយ(ចំណុចទម្រ) ឬចល័តជុំវិញអ័ក្សមួយ (អ័ក្សទម្រ) ។

ច

ចន្ទគ្រាស (ន) ៖ ដំណើរដែលធ្វើឱ្យព្រះចន្ទទៅជាងងឹតដោយសាររង្វិលរបស់ផែនដីទៅបាំង ពន្លឺព្រះអាទិត្យ។

ចក្ខុ (ន) ៖  ភ្នែក ។

ចក្ខុប្រសាទ (ន) ៖  សរសៃរសម្រាប់បញ្ជូនព័ត៌មានពីភ្នែកទៅខួរក្បាល ។

ចក្ខុវិញ្ញាណ (ន) ៖  សេចក្តី​ដឹង​ដែល​កើត​ឡើង​ព្រោះ​អាស្រ័យ​ភ្នែក​។

ចុង (ន) ៖  ខ្នាតទម្ងន់ស្មើនឹងកន្លះហាប់ ឬ៣០គីឡូក្រាម ។

ចំណែកថ្នាក់រុក្ខជាតិ (ន) ៖ ការ​ផ្គុំគំនិត​ ឬព័ត៌មាន​ដោយ​ផ្អែក​លើ​លក្ខណៈ​​ប្រហាក់ប្រហែល​គ្នា​របស់​រុក្ខជាតិ។

ចង្វាក់ (ន) ៖ ដំណើរកន្ត្រាក់បេះដូង ។

ចាក់ច្រាស (ន) ៖ ឆ្អែតហួសកម្រិតទាល់តែអន្ទះអន្ទែង ។

ចល័ត (ន) ៖ ដែលមានចលនា​មិន​ស្ថិត​នៅ​នឹង​មួយ​កន្លែង។​

ឆ

ឆ្អឹងខ្ចី (ន) ៖  ផ្នែកខាងចុងនៃឆ្អឹងមានលក្ខណៈរលោង នៅជាប់នឹងសន្លាក់ ។

ឆក់ (កិ) ៖ ចាប់យកយ៉ាងរហ័ស ។

ជ

ជីបចរ (ន) ៖ ចង្វាក់សរសៃរអាក់ទែដែលកើតឡើងពីការកន្ត្រាក់នៃបេះដូង ។

ជីវិតក្រាំង (ន) ៖ ដំណើររស់នៅដោយកប់ខ្លួននៅស្ងួតក្នុងដី ។

ជំងឺរ៉ាំរ៉ៃ (ន) ៖ ជំងឺត្រាំត្រែងយូរ ។

ជម្រក (ន) ៖ ទីកន្លែងសម្រាប់រស់នៅ ឬលំនៅឋាន។

ជាំ (គុ) ៖ ដែលមានសម្បុរ​ខ្មៅសៅម៉ង ខ្មៅខៀវ ។

ជ្រេ (គុ) ៖ ដែលទេរ ងាកបែរ ដែលល្អៀង ។

ឈ

ឈាមច្រមុះ (ន) ៖  ការហូរឈាមចេញពីច្រមុះ ។

ឈឺភ្នែក (ន) ៖  ភ្នែកក្រហមហើយហើម ។

ឈូងសមុទ្រ (ន) ៖ ញោចសមុទ្រដែលជាញកចូលក្នុងច្រាំង។

ញ

ញាស់ (កិ) ៖ កើតចេញពីស៊ុត ឬពង ។

ដ

ដង្កូវទឹក (ន) ៖  សត្វល្អិតដែលកើតជាមូស ច្រើនមានទៅតាម​បាតពាង ឬសម្ភារដក់​ទឹក​                    ផ្សេងៗ ។

ដំណើរលំអង (ន) ៖  ដំណើរនាំលំអងពីផ្កាមួយទៅផ្កាមួយទៀត ។

ដំណើរលំអងកាត់ (ន) ៖ដំណើរលំអងដែលប្រព្រឹត្តទៅដោយឆ្លងពីដើមរុក្ខជាតិមួយទៅ ដើមរុក្ខជាតិមួយទៀត ដែលមានឈ្មោះដូចគ្នា ។

ដីមមោក (ន) ៖ ដីដែលមានកម្ទេចស្មៅ ឬស្លឹកឈើពុករលួយកកខាប់ទៅជាភក់ដើរលុយ                   ពុំបាន ព្រោះផុងជ្រៅ ។

ដំបែ (ន) ៖ មេស្រា ឬមេត្រប៉ែដែលគេផ្សំសូនជាដុំ ហើយហាលឱ្យស្ងួតរឹង ។

ដំបូក(ន) ៖ ពំនូកដីដែលកើតពីកណ្តៀរពូន។

ឋ

ឋានប្រព័ន្ធ (ន) ៖ ទីកន្លែង តំបន់ផ្សេងៗដែលមានទំនាក់ទំនងគ្នា។

ឌ

ឌីណាម៉ូម៉ែត (ន)៖ ជាឧបករណ៍សម្រាប់វាស់កម្លាំង ។

ត

ត្រីវិស័យ (ន) ៖ឧបករណ៍ធ្វើពីម្ជុលមេដែកដែលគេប្រើសម្រាប់​ចង្អុលទិស ។

តំបន់អេក្វាទ័រ (ន) ៖  តំបន់ដែលនៅជិតខ្សែអេក្វាទ័រហើយមានអាកាសធាតុក្តៅខ្លាំង ។

ត្រសេះ (ន) ៖ ឈ្មោះឧបករណ៍មួយប្រភេទ មានដងមានផ្លែរាងដូចក្បាលត្រសេះ សម្រាប់គាស់ថ្ម ។

តារាវិទ្យាសាស្ត្រ ឬផ្កាយរណប (ន) ៖ ជាឧបករណ៍ផលិតឡើងសម្រាប់បង្ហោះទៅលើមេឃ ឱ្យវិញជុំវិញផែនដីដើម្បីប្រមូលព័ត៌មានផ្សេងៗនិងធ្វើគមនាគមន៍។ ឧ. អាប៉ូឡូទី១១ ។

ថ

ថនិកសត្វ (ន) ៖  សត្វចិញ្ចឹមកូនដោយទឹកដោះ មានដងខ្លួនគ្របដណ្តប់ដោយរោម ។

ថាមពលកម្តៅ (ន) ៖  ថាមពលដែលបាន​ពីកម្តៅ ។

ថាមពលអគ្គីសនី (ន) ៖  ថាមពលដែលបាន​ពីអគ្គីសនី ។

ថាមពលសំឡេង (ន) ៖  ថាមពលដែលបាន​ពីសំឡេង ។

ថាមពលមេដែក (ន) ៖  ថាមពលដែលបាន​ពីមេដែក ។

ថាមពលពន្លឺ (ន) ៖  ថាមពលដែលបាន​ពីពន្លឺ ។

ថាមពលទឹក (ន) ៖  ថាមពលដែលបាន​ពីចរន្តទឹក ។

ទ

ទឹកជំនន់ (ន) ៖  ទឹកជោរជន់ធ្វើឱ្យលិចភូមិឋាន ស្រែចម្ការ ។

ទងកេសរញី (ន) ៖  បំពង់មួយនៅកណ្តាលកញ្ចុំស្រទាប់ ។

ទ្រនាប់ (ន) ៖  អ្វីៗសម្រាប់ទ្រាប់ សម្រាប់រង ។

ទៀបភ្លឺ (ន) ៖ ជិតភ្លឺ ក្បែរភ្លឺ ។

ទ្រុឌទ្រោម (ន) ៖ រាងកាយចុះខ្សោយ ។

ទប់ស្កាត់ (កិ) ៖ រារាំង ។

ទុរ្ភិក្ស (ន) ៖ ដំណើរអត់បាយ អត់ឃ្លាន ។

ធ

ធាតុអាកាស (ន) ៖ សភាពបរិយាកាសក្នុងរយៈពេល​ខ្លី​ស្ថិតនៅទីកន្លែងមួយដែលគេអាច                  សង្កេតបាន ។

ធាតុគីមី (ន) ៖ ប្រភេទភាគល្អិតតូចៗបំផុតនៃរូបធាតុ ។

ន

នាឡិ ឬនាលិ (ន) ៖  រង្វាស់ប្រពៃណីខ្មែរមួយប្រភេទសម្រាប់វាល់អង្ករ ឬគ្រាប់អ្វីៗទៀតដូចជាសណ្តែក ។

ប

បក្សាបក្សី (ន) ៖  ជាសត្វដែលមានស្លាបពីរគ្របលើដងខ្លួន។

បូស (ន) ៖  ជំងឺហើមពកលើស្បែកធ្វើឱ្យឈឺចាប់ ។

ប្រព័ន្ធព្រះអាទិត្យ (ន) ៖  រណបទាំងអស់របស់ព្រះអាទិត្យ។

ប្រមាញ់ (ន) ៖  ការបរបាញ់សត្វ ។

បាតុភូត (ន) ៖  ហេតុដែលកើតមានឡើងយ៉ាងប្រាកដជាក់ស្តែង។

ប៉ូលមេដែក (ន) ៖  ផ្នែកខាងចុងនៃមេដែក ។

ប៉ូលជើង (ន) ៖  ប៉ូលចង្អុលទៅទិសខាងជើង ។

ប៉ូលត្បូង (ន) ៖  ប៉ូលចង្អុលទៅទិសខាងត្បូង ។

បំណាក់ឆ្អឹងបិទមុខ (ន) ៖  បំណាក់ឆ្អឹងដែលពុំអាចទៅទម្លុះសាច់ដុំ និងស្បែកទេ ។

បំណាក់ឆ្អឹងបើកមុខ (ន) ៖  បំណាក់ឆ្អឹងដែលអាចទៅទម្លុះសាច់ដុំ និងស្បែក ។

បាក់តេរី (ន) ៖ ភាវៈមានជីវិតឯកកោសិកាដែលចិញ្ចឹមជីវិតដោយបំបែកសារធាតុសរីរាង្គ សាំញ៉ាំឱ្យទៅជាធាតុគីមី ងាយៗ ។

បរាសិត (ន) ៖ ភាវរស់ឬសារពាង្គកាយដែលរស់នៅលើ ឬក្នុងភាវរស់ ឬសារពាង្គកាយមួយ ផ្សេងទៀត ដោយ ស្រូបយកសារធាតុចិញ្ចឹមពីភាវរស់ ឬ​សារពាង្គកាយ​នោះ​ហើយបំផ្លាញគេ ។

បញ្ញើក្អែក (ន) ៖ ភាវរស់ទាំងឡាយដែលអាចរស់បានដោយសារគេ ។

បណ្ណង្គជាតិ (ន) ៖ រុក្ខជាតិគ្មានផ្កា គ្មានគ្រាប់ ប៉ុន្តែផ្នែកខាងក្នុងស្លឹកមានថង់ស្ប៉ ។

បុព្វហេតុ (ន) ៖ ហេតុដើម ឬដំណើរដើម ។

បំបៅ (កិ) ៖ យកមែកតូចក្តី ខ្នែងក្តី ភ្នែកក្តី ចុងក្តីនៃឈើរស់ដទៃភ្ជាប់ជាមួយនឹងគល់នៃកូន ឈើរស់ដទៃទៀត ដែលមានប្រភេទខុសគ្នា ។

បំពាន (ន) ៖ រំលោភលើ ។

ប្រព័ន្ធ (ន) ៖ ចំណងទាក់ទងគ្នា។

ប្រព័ន្ធប្រសាទ (ន) ៖ បណ្តាញសរសៃ​វិញ្ញាណសម្រាប់ទទួលដឹងអារម្មណ៍ពីខាងក្រៅ                       ដែលមកប៉ះពាល់ ។

ប្រក្រតី (ន) ៖ ធម្មតា ការប្រព្រឹត្តទៅតាមចំណាំ តាមទម្លាប់ ។

ប្លាស្មា (ន) ៖ ផ្នែករាវពណ៌លឿងនៅក្នុងឈាម ។

បង្ហួរនោម (ន) ៖ ជាបំពង់ដែលដឹកនាំស្ពែម៉ាតូសូអ៊ីតនិងទឹកនោម ។

បរិស្ថាន (ន) ៖ មជ្ឈដ្ឋាននៅជុំវិញខ្លួនទាំងអស់។

ប្លង់ទេរ (ន) ៖ ផ្ទៃជ្រាលដែលភ្ជាប់ពីទីទាបទៅទីខ្ពស់ ។

បាស៊ីវៀគុល (ន) ៖ មេរោគនៃជំងឺអាសន្នរោគ ។

បំពង់ផាឡូប (ដៃស្បូន)(ន) ៖ មានរាងដូចឡាវ ជាកន្លែងដែលអូវុលត្រូវឆ្លងកាត់ទៅកាន់                                ស្បូន ។

បំពង់យ៉ង (ន) ៖ សម្រាប់នាំស្ពែម៉ាតូសូអ៊ីតពីពងស្វាសទៅកាន់ថង់ពូជ ។

ផ

ផ្តាសាយ (ន) ៖  ជាជំងឺ​ឆ្លង អ្នកជំងឺមាន​អាការៈកណ្តាស់ ហៀរសំបោរ ឈឺក្បាល ។

ផែនដី (ន) ៖  ភពរណបព្រះអាទិត្យដែលមានមនុស្សយើងកំពុងរស់នៅ ។

ផ្អូម (គុ) ៖ ដែលមានក្លិនជូរក្តឹះ។

ផ្កាយ (ន) ៖ ស្ថានដែលអាចបញ្ចេញពន្លឺដោយខ្លួនឯង។ ឧ.ព្រះអាទិត្យ ។

ផ្កាយដុះកន្ទុយ (ន) ៖ ជាដុំឧស្ម័នកំពុងឆេះ ប៉ុន្តែពេលខិតទៅជិតព្រះអាទិត្យកម្លាំង ព្រះអាទិត្យ និងកម្លាំងផ្សេងៗទៀតបានធាក់ឧស្ម័ននៃផ្កាយដុះ កន្ទុយឱ្យកើតជាកន្ទុយ។ ឧ.ផ្កាយហាឡី ។

ព

ពពែភ្នែក (ន) ៖  ស្នាមពកតូចក្រហមនៅលើត្របកភ្នែក ។

ព្រះចន្ទ (ន) ៖  ជាភពដែលវិញជុំវិញផែនដីហើយដូចផែនដីដែរព្រោះវាមិនអាចបញ្ចេញពន្លឺ ដោយខ្លួនឯងបាន ។ ប៉ុន្តែវាខុសពីផែនដីដោយមនុស្ស សត្វ រុក្ខជាតិមិនអាច រស់នៅបាន។

ព្រះអាទិត្យ (ន) ៖  ដុំមូលមួយដែលផ្ទុកឧស្ម័នកំពុងឆេះ ហើយនៅជិតផែនដីដែលមាន ចម្ងាយ ១៥០ លានគីឡូម៉ែត្រ ។

ពិការភាព (គុ) ៖  ភាពខូចអវៈយវៈណាមួយប្រើការមិនកើត ។

ព្រៃរបោះ (ន) ៖ ព្រៃដែលមានដើមដុះរង្វើលៗ ឃ្លាតៗដាច់ពីគ្នា ។

ព្រៃស្បាត (ន) ៖ ព្រៃដែលមានប៉ែកខាងក្រោមញឹក ជិត ដុះទ្រុបទ្រុលចូលមិនចុះ ។

ពងស្វាស (ន) ៖ ជាកន្លែងផលិតស្ពែម៉ាតូសូអ៊ីត ។

ភ

ភ្លឺ (ន) ៖  ជំងឺម្យ៉ាងដែលមានស្នាមសៗនៅលើស្បែក ។

ភ្នំភ្នែង (ន) ៖ ឈ្មោះឈើរនាមមួយប្រភេទដើមតូចៗ សាច់រឹង សម្បុរក្រហម ។

ភព (ន) ៖ ស្ថានដែលមិនអាចបញ្ចេញពន្លឺដោយខ្លួនឯងបាន ហើយវិញជុំវិញផ្កាយ                           ណាមួយ។ ឧ.ផែនដី ។

ភ្លៀងអាស៊ីត (ន) ៖ ភ្លៀងដែលមានផ្ទុកជាតិអាស៊ីត ។

ម

មេបា (ន) ៖  ឪពុកម្តាយ ។

មណ្ឌលអាកាសរចល់ (ន) ៖ ស្រទាប់ទីមួយនៃឧស្ម័នស្ថិតនៅជាប់ផែនដី វាមានកម្ពស់                        ប្រហែល១៨ គ.ម. ។

មណ្ឌលអាកាសស្ងប់ (ន) ៖ ស្រទាប់ទី២នៃឧស្ម័នស្ថិតនៅលើអាកាសរចល់វាមានកម្ពស់ ប្រហែល៥០ គ.ម. ពីផ្ទៃផែនដី។

មណ្ឌលអាកាសកណ្តាល (ន) ៖ ស្រទាប់ទី៣នៃឧស្ម័នស្ថិតនៅលើមណ្ឌលស្ងប់ វាមានកម្ពស់ ប្រហែល៨០ គ.ម. ពីលើផែនដី។ មណ្ឌលនេះមានស្រទាប់ អូសូន ។

មណ្ឌលអាកាសក្តៅ (ន) ៖ ស្រទាប់ទី៤នៃឧស្ម័នស្ថិតនៅលើមណ្ឌលអាកាសកណ្តាលវា មានកម្ពស់ចាប់ពី៨០ គ.ម. ឡើងទៅ។ មណ្ឌលនេះខុសពីមណ្ឌល ដទៃទៀតគឺវាអាចជារនាំងការពារកុំឱ្យអាចម៍ ផ្កាយធ្លាក់មកលើ ផែនដី។

មានគភ៌ (ន) ៖ មានកូននៅក្នុងពោះ ឬផើម ។

មើម (ន) ៖ ផ្នែករីកប៉ោងនៃប្ញសរុក្ខជាតិ ។

ម៉ាស៊ីនងាយ (ន) ៖ ឧបករណ៍ដែលធ្វើឱ្យងាយស្រួលក្នុងការលើកដាក់វត្ថុ ។

យ

យុទ្ធនាការណ៍ (ន) ៖ ការច្បាំង ។

យោនី (ន) ៖ អង្គជាត​ស្ត្រី ឬសត្វ​ញី។

រ

រលាយ (ន) ៖  ពេលវត្ថុរឹងក្លាយជារាវ។

រុក្ខជាតិធំ (ន) ៖  រុក្ខជាតិដែលមានដើមធំខ្ពស់ បែកមែកសាខារឹងមាំ ។

រុក្ខជាតិវល្លិ (ន) ៖  រុក្ខជាតិដែលមានដើមទន់ លូតលាស់ដោយវារ ។

រុក្ខជាតិទាប (ន) ៖  រុក្ខជាតិលំអដែលមានកម្ពស់ទាបជាងពីរម៉ែត្រ ។

រុក្ខជាតិស្មៅ (ន) ៖  រុក្ខជាតិដែលមានកម្ពស់ទាប ដើមទន់ ស្លឹកតូចវែង ។

រុក្ខជាតិផ្តល់អាហារ (ន)៖  រុក្ខជាតិដែលផ្តល់មើម ដើម ផ្កា ផ្លែ ស្លឹកជាចំណី​សម្រាប់

                                      មនុស្ស ។

រុក្ខជាតិឱសថ (ន) ៖  រុក្ខជាតិដែលសម្រាប់យកទៅធ្វើជាថ្នាំព្យាបាលជំងឺ ។

រំហួត (ន) ៖  ពេលវត្ថុរាវក្លាយជាឧស្ម័ន ឬបំរែបំរួលទឹកពីរាវទៅជាចំហាយទឹក។

រដូវប្រាំង (ន) ៖  រដូវរាំងស្ងួត ពុំសូវមានភ្លៀងធ្លាក់ច្រើន។

រដូវវស្សា (ន) ៖  រដូវដែលមានភ្លៀងធ្លាក់ច្រើនជោគជាំ ។

រង្វិលខ្ញាល់ (ន) ៖  ការវិលជុំវិញខ្លួនឯងយ៉ាងលឿន​ដោយអ័ក្សមួយ ។

រង្វិលជុំ (ន) ៖  ចលនាវិលជុំវិញរបស់មួយតាមគន្លងរបស់វា ។

រមួលក្រពើ (ន) ៖ រមួលសាច់ដុំកំភួនជើង ។

រស្មីសំយោគ (ន) ៖ ប្រតិកម្មបំលែងទឹក និងឧស្ម័នកាបូនិចឱ្យទៅជាអុកស៊ីសែន និងស្ករនៃ រុក្ខជាតិបៃតងក្រោមអំពើនៃពន្លឺព្រះអាទិត្យ។

រុក្ខជាតិបៃតង (ន) ៖ រុក្ខជាតិដែលមានស្លឹកពណ៌បៃតងព្រោះសម្បូរជាតិក្លរ៉ូភីល ។

រុក្ខជាតិឌីកូទីលេដូន (ន) ៖  ជារុក្ខជាតិដែលដុះចេញពីគ្រាប់ដែលមានក្លែបពីរ ។

រុក្ខជាតិម៉ូណូកូទីលេដូន (ន) ៖  ជារុក្ខជាតិដែលដុះចេញពីគ្រាប់ដែលមានក្លែបតែមួយ ។

ឫសស្ញែ (ន) ៖  ឫសតូចនិងធំច្រើនស្អេកស្កះចេញពីគល់រុក្ខជាតិតែមួយ ។

រេទីន (ន) ៖  ស្រទាប់រស់នឹងពន្លឺហើយបញ្ជូលព័ត៌មានទៅខួរក្បាល ។

រចល់ (កិ) ៖ កម្រើក ញាប់ញ័រ ។

រនេល (ន) ៖ ឈើ ឬប្ញស្សីមូលដែលដាក់កល់វត្ថុធ្ងន់ៗឱ្យងាយវិល រមៀលស្រួលក្នុងការ                    ទាញឬរុញ ។

រមៀល (កិ) ៖ រអិលដោយវិលរឿយៗច្រើនត្រឡប់ ច្រើនសា ។

រន្ទះ (ន) ៖ បន្ទេរអគ្គិសនីក្នុងអាកាសដោយមានពន្លឺផ្លេកនិងសំឡេងលាន់ខ្ទរយ៉ាងខ្លាំង                      កើតឡើងជាមួយ ។

រអិល (កិ) ៖ ងាយឃ្លាត ងាយរបូត ពិបាកចាប់ ពិបាកទប់ ។

រសរំលាយអាហារ (ន) ៖ សារធាតុរាវដែលផលិតដោយក្រពេញរំលាយអាហារមានផ្ទុក                     អង់ស៊ីមរំលាយអាហារ។

រសាប់រសល់ (គុ) ៖ នៅមិនសុខ ពិបាកក្នុងខ្លួន ។

រាតត្បាត (គុ) ៖ ដែលរាលដាលឆាប់រហ័សពីម្នាក់ទៅម្នាក់ ។

រោមញ័រ (ន) ៖ រោមល្អិតៗស្ថិតនៅលើភ្នាសកោសិកាខ្លះសម្រាប់ជួយកោសិកាក្នុងការធ្វើ                   ចលនា ។

របុំ (ន) ៖ ភាពមូរ​រុំជាដុំ ។

រស្មីសំយោគ (ន) ៖ លំនាំផលិតអាហារនៃរុក្ខជាតិក្រោមពន្លឺព្រះអាទិត្យ។

រ៉ក (ន) ៖ មាស៊ីនងាយមួយបែបដែលកើតពីកង់ម្យ៉ាងមានចង្អូរជុំវិញអ័ក្ស និងតម្ពក់ ។

រូបធាតុ (ន)​ ៖ អង្គធាតុ​ដែល​មាន​ម៉ាស​មាឌ​ច្បាស់​លាស់​តាំង​នៅ​ក្នុង​លំហ​។

រើសអើង (កិ) ៖ រើសយក ប្រកាន់យកតែតាមគាប់ចិត្ត ។

រំញោច (ន) ៖ ដាស់ឱ្យកម្រើក ។

រំពង (ន) ៖ សូរខ្ទរខ្លាំង គឹកកង ។

រំលស់ (កិ) ៖ ធ្វើឱ្យថយចំនួន ។

រ៉ាំរ៉ៃ​ (គុ) ៖ ដែលត្រាំត្រែង ឈឺយូរ ។

ល

ល្មូន (ន) ៖  សត្វដែលដងខ្លួនគ្របដោយស្រកា ហើយភាគច្រើនមានជើងបួន ខ្លះគ្មានជើង                ទេ ។

លំហាត់ប្រាណ (ន) ៖  ការធ្វើចលនាដៃជើងនិងដងខ្លួនដើម្បីបែកញើសមានសុខភាពល្អ ។

លោហៈ (ន) ៖  ធាតុដែលរំលាយចេញពីរ៉ែដូចជា ដែក ស្ពាន់ ទង់ដែង ។

លក្ខណៈគីមី (ន) ៖ លក្ខណៈនៃសារធាតុដែលចូលធ្វើប្រតិកម្មគីមីជាមួយសារធាតុដទៃ ។

លាប់ (ន) ៖ រើឈឺ​ឡើងវិញ ដោយប្រការណាមួយនៅពេលដែលអ្នកជំងឺបានធូរស្រាល ។

លោហៈ (ន) ៖ អង្គធាតុរឹងដែលរំលាយសម្រាំងចេញពីរ៉ែ ដូចជាដែក ស្ពាន់ ទង់ដែង ។

ល្បាយ (ន) ៖ ការលាយវត្ថុពីរ ឬច្រើនចូលគ្នា ។

ល្បាយស្មើសាច់ (ន) ៖ ល្បាយដែលគេពុំអាចមើលឃើញធាតុបង្ករបស់វាបាន ។

ល្បាយមិនស្មើសាច់ (ន) ៖ ល្បាយដែលគេអាចមើលឃើញធាតុបង្ករបស់វា ។

លិង្គ (ន) ៖ ជាសរីរាង្គបន្តពូជរបស់បុរស ។

លំនឹងធម្មជាតិ (ន) ៖ ការរក្សាបាននូវចំនួនភាវៈរស់ទាំងអស់ក្នុងធម្មជាតិ។

ល្បឿន (ន) ៖ ភាពលឿន ឬយឺតនៃចលនាអង្គធាតុមួយ ។

វ

វដ្តទឹក (ន) ៖  ការវិលចុះវិលឡើងរបស់ទឹកតាមរយៈរំហួត និងកំណញើស ។

វត្ថុចម្លងកម្តៅ (ន) ៖  វត្ថុដែលប៉ះកម្តៅហើយឆាប់ក្តៅ ។

វត្ថុមិនចម្លងកម្តៅ (ន) ៖  វត្ថុដែលប៉ះកម្តៅហើយមិនក្តៅ ។

វាលលំហ (ន) ៖ ទីដែលស្រលះឥតមានព្រៃ ឥតមានអ្វីបាំង តំបន់ស្ងួតហែង ។

វិបត្តិ (ន) ៖ សេចក្តីប្រែប្រួល សេចក្តីវិនាស ដំណើរទទួលគ្រោះថ្នាក់ ។

វីរុសដង់ (ន) ៖ មេរោគនៃជំងឺគ្រុនឈាម ។

វ៉ែន (ន) ៖ សរសៃរនាំឈាមចូលបេះដូង ។

វដ្តអាហារ (ន) ៖ លំនាំខ្សែអាហារគ្មានទីបញ្ចប់។

វប្បកម្ម (ន) ៖ របរសាបព្រោះ ។

វារីអគ្គីសនី(ន) ៖ ប្រភពអគ្គិសនីដែលបានពីថាមពលទឹក ។

វិធីនិម្មិត (ន) ៖ វិធីដែលធ្វើឡើងដោយមនុស្ស ។

វេជ្ជបញ្ជា (ន) ៖ ការបង្គប់របស់គ្រូពេទ្យចំពោះអ្នកជំងឺ ។

ស

សត្វល្អិត (ន) ៖  សត្វដែលមានដងខ្លួនចែកជា ក្បាល ទ្រូង ពោះ និងជើងបីគូ នៅលើក្បាល               មានប្រមោយ ។

សិលា (ន) ៖  ដុំថ្ម ។

សំលៀកបំពាក់ (ន) ៖  ខោអាវ ។

សីតុណ្ហមាត្រ (ន) ៖  ឧបករណ៍ប្រើសម្រាប់វាស់ ស្ទង់សីតុណ្ហភាព ។

សន្លាក់ (ន) ៖  កន្លែងដែលក្បាលឆ្អឹងពីរឬច្រើនប្រសព្វគ្នាទៅវិញទៅមកហើយជាទូទៅ                     អាចឱ្យឆ្អឹង កម្រើកបាន ។

សន្លាក់ចល័ត (ន) ៖  សន្លាក់ដែលអាចឱ្យឆ្អឹងធ្វើចលនាបានទូលំទូលាយដោយសារឆ្អឹងខ្ចី។

សន្លាក់អឌ្ឍចល័ត (ន) ៖  សន្លាក់ដែលអាចឱ្យឆ្អឹងបត់បានតែម្ខាង និងលាតត្រង់ ។

សត្វចិញ្ចឹម (ន) ៖  ជាសត្វចិញ្ចឹមតាមផ្ទះ ឬកសិដ្ឋានសម្រាប់ទុកធ្វើចំណីអាហាររបស់                       មនុស្ស ។

សត្វល្អិត (ន) ៖  សត្វតូចៗដែលច្រើនរស់នៅតាមស្មៅ ដើមឈើ ឬដី ។

សត្រូវ (ន) ៖  ខ្មាំង អ្នកបៀតបៀនគេ ។

សរសៃរពួរ (ន) ៖  សរសៃរមាំស្វិតដែលភ្ជាប់សាច់ដុំទៅនឹងឆ្អឹង ។

សរសៃរចំណង (ន) ៖  សរសៃរពណ៌សដែលភ្ជាប់ឆ្អឹងទៅនឹងសន្លាក់ ។

ស្វ័យដំណើរលំអង (ន) ៖  ដំណើរលំអងដែលប្រព្រឹត្តទៅលើស្ទិចម៉ាតនៃផ្កាតែមួយ ឬផ្កាដទៃទៀតនៃដើមរុក្ខជាតិ​តែមួយ ។

សាច់ដុំអឆន្ទៈ (ន) ៖  សាច់ដុំកន្ត្រាក់ដោយខ្លួនវា ហើយយើងមិនអាចបញ្ជាវាបានទេ ។

សាច់ដុំឆន្ទៈ (ន) ៖  សាច់ដុំដែលយើងអាចបញ្ជាវាបាន ។

សីតុណ្ហមាត្រ (ន) ៖  ប្រដាប់សម្រាប់វាស់​សីតុណ្ហភាព ។

សុវត្ថិភាព (ន) ៖  ភាពប្រកបដោយសេចក្តីសុខ ។

សូរ្យគ្រាស (ន) ៖  ដំណើរដែលធ្វើឱ្យផែនដីទៅជាងងឹតដោយសាររង្វិលរបស់ព្រះចន្ទ                       ទៅបាំងពន្លឺព្រះអាទិត្យ។

ស្នូក (ន) ៖  ប្រដាប់មានរាងក្រឡូម តែមានរបាំងខាងដើមនិងខាងចុង ។

ស្ទិចម៉ាត (ន) ៖  ផ្នែកចុងនៃទងកេសរញីមានភាពស្អិត ។

ស្តូម៉ាត (ន) ៖  រន្ធតូចៗនៅលើផ្ទៃស្លឹកមាននាទីប្តូរឧស្ម័ន និងបំភាយចំហាយទឹក ។

សង្គ្រោះ (កិ) ៖ ជួយឱ្យបានសុខស្រួល ស្រោចស្រង់ ។

សរសៃប្តូរ(ន) ៖ សរសៃតូចៗស្ថិតនៅក្នុងសារពាង្គកាយដែលភ្ជាប់ពីអាកទែទៅវ៉ែនវាមាន តួនាទីសម្រាប់ដឹកនាំសារធាតុចិញ្ចឹមនិងអុកស៊ីសែនទៅឱ្យសារពាង្គកាយ និងទទួលយកកាកសំណល់និងឧស្ម័ន កាបូនិចមកវិញ។

សាយកូន (ន) ៖ មានកូនច្រើន ។

ស្ប៉ (ន) ៖ គ្រាប់លំអងរបស់រុក្ខជាតិដែលអាចបន្តពូជបាន ។

ស្តូឡុង (ន) ៖ ការបន្តពូជដោយសារការលូតលាស់ដោយសារការលូតលាស់នៃដើមថ្មី រាងជាខ្សែ ។ឧ. ដើមត្រចៀក ក្រាញ់

ស្ពែម៉ាតូសូអ៊ីត (ន) ៖ កោសិកាបន្តពូជឈ្មោល ។

សកល (ន) ៖ លំហដែលមានផ្ទុកផ្កាយ បណ្តុំផ្កាយ និងកាឡាក់ស៊ីផ្សេងៗច្រើនឥតគណនា។

សហគ្រាស (ន) ៖ គ្រឹះស្ថាន ឬអង្គការជារបស់ឯកជនសម្រាប់ធ្វើការធំៗ ។

សរសៃប្រសាទ (ន) ៖ មានសរសៃវិញ្ញាណ និងសរសៃម៉ូទ័រដែលជាអ្នកនាំព័ត៌មានពីខួរ ក្បាលទៅផ្នែកផ្សេងៗនៃដងខ្លួន។

សរសៃវិញ្ញាណ (ន) ៖ មាននាទីជាអ្នកផ្តល់ព័ត៌មានដល់ខួរក្បាល។

សរសៃម៉ូទ័រ (ន) ៖ មាននាទីជាអ្នកនាំព័ត៌មានពីខួរក្បាលទៅផ្នែកផ្សេងៗនៃដងខ្លួន។

សាកអាគុយ(ន) ៖ បញ្ចូលចរន្តអគ្គិសនីទៅក្នុងអាគុយ ។

សិប្បនិម្មិត (ន) ៖ អ្វីដែលមិនមែនជាធម្មជាតិ (បង្កើតឡើងដោយមនុស្ស) ។

សីតុណ្ហមាត្រ (ន) ៖ ប្រដាប់សម្រាប់វាស់សីតុណ្ហភាព (កម្ដៅ) ។

សុរិយគតិ (ន) ៖ ដំណើរព្រះអាទិត្យ ។

ស្ពែម៉ាតូសូអ៊ីត​(ន) ៖ កោសិកាបន្តពូជឈ្មោលដែលផលិតចេញពីពងស្វាស ។

សៀគ្វីអគ្គិសនី (ន) ៖ បង្គុំមួយដែលកើតឡើងពីប្រភពអគ្គិសនី និងឧបករណ៍អគ្គិសនី ដូចជាខ្សែចម្លង កុងតាក់ អំពូល... ។

សៀគ្វីចំហ (ន) ៖ សៀគ្វីដែលបន្ទុកអគ្គិសនីមិនអាចឆ្លងកាត់បាន ។

សៀគ្វីបិទ (ន) ៖ សៀគ្វីដែលបន្ទុកអគ្គិសនីអាចឆ្លងកាត់បាន ។

សំរឹទ្ធិ (ន) ៖ លោហៈមួយប្រភេទកើតពីការលាយផ្សំលោហៈផ្សេងៗដូចជាដែក ទង់ដែង... ។

សំណឹក(ន) ៖ កន្លែងដែលសឹក ដែលរិល ។

ស្បូន (ន) ៖ ជាថង់មួយនៅចន្លោះបំពង់ផាឡូបនិងផ្លូវយោនី ។វាជាកន្លែងលូតលាស់នៃគភ៌។

ហ

ហាប (ន) ៖  ខ្នាតទម្ងន់ស្មើនឹង១០០ នាឡិ ឬ ២ចុង ឬ ៦០គីឡូក្រាម ។

អ

អាសន្នរោគ (ន) ៖  ជំងឺដែលមានរោគសញ្ញាធ្វើឱ្យអ្នកកើតរាគរូសខ្លាំងអាចរហូតដល់ស្លាប់ ។

អ័ក្សផែនដី (ន) ៖  អ័ក្សប្រឌិតដែលកាត់តាមចំណុចកណ្តាលផែនដីពីប៉ូលជើង ទៅត្បូង។

អឌ្ឍគោល (ន) ៖  ពាក់កណ្តាលនៃភូគោល ។

អនាម័យ (ន) ៖  ការសំអាត ។

អវៈយវៈ (ន) ៖  ដៃជើង ។

អាណេម៉ូម៉ែត(ន) ៖  ប្រដាប់សម្រាប់វាស់ល្បឿនខ្យល់។

អុកស៊ីសែន (ន) ៖  ឧស្ម័នសម្រាប់ដង្ហើមភាវរស់ ។

អូវែ (ន) ៖  ថង់មួយដែលនៅលើទង់ផ្កាសម្រាប់ផ្ទុកអូវុល ។

អូវុល (ន) ៖  គ្រាប់ល្អិតៗនៅក្នុងអូវែ ។

អាកទែ (ន) ៖ សរសៃរនាំឈាមចេញពីបេះដូង ។

អាការៈ (ន) ៖ លក្ខណៈជាគ្រឿងសម្គាល់ ជាគ្រឿងសង្កេត ។

អាចម៍ផ្កាយ (ន) ៖ ជាបំណែកថ្ម ឬលោហៈដែលធ្វើចលនាក្នុងលំហ ។

អំប៊្រីយ៉ុង (ន) ៖ សារពាង្គកាយដែលកំពុងលូតលាស់ចាប់ផ្តើមពីស៊ុតបង្កកំណើតរហូតដល់សារពាង្គកាយថ្មី ។

អូវុល (ន) ៖ កោសិកាបន្តពូជញី ។

អង្គធាតុទោល(ន) ៖ ជាអង្គធាតុដែលផ្សំឡើងពីភាគល្អិតនៃរូបធាតុតែមួយប្រភេទគត់ ។

អង្គធាតុសមាស(ន) ៖ ជាអង្គធាតុដែលផ្សំឡើងពីភាគល្អិតនៃរូបធាតុពីរ ឬច្រើនប្រភេទចូលគ្នា ។

អរម៉ូនភេទ (ន) ៖ សារធាតុផលិតចេញពីប្រដាប់បន្តពូជ ដែលធ្វើឱ្យមនុស្សមានលក្ខណៈ ខុសគ្នារវាងមនុស្សប្រុស  និងស្រី។

អវៈយវៈ (ន) ៖ ដៃជើង ។

អ្នកផលិត (ន) ៖ ធម្មជាតិបៃតងដែលផ្តល់អាហារដល់សត្វនៅក្នុងបរិស្ថាន។ ឧ.ពោតជាអាហាររបស់សត្វ ជ្រូក ៖ ពោតជាអ្នកផលិត។

អ្នកប្រើប្រាស់ (ន) ៖ ភាវរស់ទាំងឡាយដែលអាស្រ័យរុក្ខជាតិបៃតងជាអាហារ។ ឧ.ជ្រូកស៊ីពោត ជ្រូកជា អ្នកប្រើប្រាស់ទី១។មនុស្សស៊ីសាច់ជ្រូក មនុស្សជាអ្នកប្រើប្រាស់ទី២។

អាកាសធាតុ (ន) ៖ បំរែបំរួលសភាពពេលបរិយាកាសរយៈពេលវែង ។

អេលីបសូអ៊ីត (ន)៖ រាងជាពងក្រពើ ។

អូវុល (ន) ៖ កោសិកាបន្តពូជញីរបស់ភាវរស់ ។

អូវែ (ន) ៖ ជាកកន្លែងផលិតអូវុល ។

អំបែង (ន) ៖ បន្ទះបំណែកនៃក្អម ឆ្នាំងជាដើម ។

ឧ

ឧតុនិយម (ន) ៖  ដំណើរកំណត់រដូវ ។

ឧបករណ៍ (ន) ៖  គ្រឿងប្រដាប់សម្រាប់ប្រើប្រាស់។

ឧស្ម័នកាបូនិច (ន) ៖  ឧស្ម័នដែលភាវរស់បញ្ចេញចោលតែវាមានប្រយោជន៍ដល់រស្មីសំយោគ ។

ឧតុភូត (ន) ៖ បាតុភូតទាំងឡាយដែលកើតមានក្នុងបរិយាកាស ។

ឧគ្ឃោសនសព្ទ (ន) ៖ សូរសព្ទនៃការស្រែកប្រកាសពេញសំលេង ។

ផ្កាយ (ន) ៖ ស្ថានដែលអាចបញ្ចេញពន្លីដោយខ្លួនឯង។ ឧ.ព្រះអាទិត្យ ។

ឥ

ឥន្ធនៈ (ន) ៖  មានដូចជាប្រេងកាត សាំង ម៉ាសូត៘

ឥទ្ធិពល (ន) ៖  អំណាច ។

សូមអភ័យទោសរាល់កំហុសឆ្គងនិងរង់ចាំមតិរិះគន់់និងកែលម្អ៕