ការដកចំនួនទសភាគតាមរូបដែលមានផ្នែកទសភាគ ២ ខ្ទង់

កិច្ចតែងការបង្រៀន

-                      ថ្នាក់ទី ៤ ៖ មុខវិជ្ជាគណិតវិទ្យា 

-                      ចំណងជើងមេរៀន ៖ ប្រមាណវិធីដកលេខទសភាគ

-                      ចំណងជើងរង ៖ ការដកចំនួនទសភាគតាមរូបដែលមានផ្នែកទសភាគ ២ ខ្ទង់

  -      រយៈពេល  ៖  ១ ម៉ោង

-ដកស្រង់ពី ៖ ស.ស. ទំព័រ ៦៧ ស.គ.ទំព័រ ១៣៧។

I.   វត្ថុបំណង

-ចំណេះដឹង ៖ សិស្សប្រាប់ពីការដកចំនួនទសភាគតាមរូបដែលមានផ្នែកទសភាគពីរខ្ទង់បានត្រឹមត្រូវ តាមរយៈការបង្ហាញរូប ការអនុវត្តផ្ទាល់ និងសំណួរបំផុលរបស់គ្រូ។

-បំណិន  ៖   សិស្សអនុវត្តការដកចំនួនទសភាគតាមរូបដែលមានផ្នែកទសភាគពីរខ្ទង់បានត្រឹមត្រូវ តាមរយៈការងារ បុគ្គល ដៃគូ និងការងារក្រុម។

-ឥរិយាបថ ៖ បណ្តុះស្មារតីសិស្សក្នុងការដកលេខឱ្យបានត្រឹមត្រូវដើម្បីយកទៅអនុវត្តនៅក្នុង ជីវភាពប្រចាំថ្ងៃ ។

II. សម្ភារឧបទេស

-ចំពោះគ្រូ ៖ ប័ណ្ណល្បែង (ឆ្មារកត្រីអាំងតាមចំនួនក្រុម)

-ចំពោះសិស្ស ៖ សៀវភៅសិស្ស ។

III.   ដំណើរការបង្រៀន

សកម្មភាពគ្រូ	ខ្លឹមសារមេរៀន	សកម្មភាពសិស្ស
-ប្អូនៗចូលរៀនគ្រប់គ្នាហើយឬនៅ? -ពិនិត្យមើលសម្លៀកបំពាក់ និងសម្រាម។	ជំហានទី ១ -ពិនិត្យអវត្តមាន។ -ពិនិត្យអនាម័យ។	- សិស្សឆ្លើយ។ - សិស្សឆ្លើយ។
-ឱ្យសិស្សយកសៀវភៅបើកដាក់ លើតុ។ -គ្រូដើរពិនិត្យកិច្ចការ។ -ឱ្យសិស្សដែលធ្វើបានត្រឹមត្រូវ ឡើង សរសេរចម្លើយលើក្តារខៀន។ -កត់ត្រាលំហាត់ចំនួន២លើក្តារខៀន ឱ្យសិស្សធ្វើ។ -ឱ្យសិស្សយកក្តារឆ្នួនធ្វើលំហាត់។ -តើថ្ងៃមុនយើងរៀនគណិតវិទ្យា អំពីអ្វី? -តើចំនួនទសភាគភាគរយនៅ ក្រោយ ក្បៀសប៉ុន្មានខ្ទង់ ?	ជំហានទី ២ កែកិច្ចការចាស់ ០.៧   ០.៣   ០.៤   រំលឹកមេរៀនចាស់់ ការដកចំនួនទសភាគដែលផ្នែកទសភាគ មាន ១ ខ្ទង់តាមរូប  ០.៦ -– ០.៣ = ០.៣  ០.៨ –- ០.៤  = ០.៤ ទំនាក់ទំនងមេរៀន ចំនួនទសភាគភាគដប់។ - ចំនួនទសភាគភាគរយនៅ ក្រោយ ក្បៀសមានលេខ ២ ខ្ទង់។	-បើកសៀវភៅដាក់លើតុទាំងអស់ គ្នា។ -ត្រួតពិនិត្យរវាងដៃគូនៅក្បែ និង ផ្ទៀងផ្ទាត់ជាមួយចម្លើយលើក្តារ ខៀន។ -កែតម្រូវកំហុសរបស់ខ្លួន។ -អនុវត្តដើម្បីរំលឹកប្រមាណវិធី ដកលេខ ទសភាគ។ - សិស្សអនុវត្ត។ - សិស្សឆ្លើយ។ - សិស្សឆ្លើយ។
-ចែកក្រដាសការេ១០០ឱ្យសិស្ស ផាត់ពណ៌ក្រហមលើចំនួន ០.៣៥ និងផាត់ពណ៌ខៀវលើចំនួន០.២៥។ -តើរូបទីមួយមានតម្លៃលេខប៉ុន្មាន ? -តើរូបទីពីរមានតម្លៃលេខប៉ុន្មាន ? -តើ ០.៣៥-០.២៥ ស្មើនឹងប៉ុន្មាន? -សរសេរឧទាហរណ៍ពីរទៀត លើក្តារខៀន។ -ឱ្យសិស្សយកក្តារឆ្នួនធ្វើលំហាត់។ -ឱ្យសិស្សកែលម្អជាដៃគូ។	ជំហានទី ៣ ៖ មេរៀនថ្មី  ការដកចំនួនទសភាគដែល ផ្នែកទសភាគមាន ២ ខ្ទង់តាមរូប រូបការេ១០០ ០.៣៥ ០.២៥ ០.១០ ០.៥០ -  ០.២០ = ០.៣០ ១.១៥  - ០.៣០ = ១.២០ ០.៩០ - ០.៣០ = ០.៦០	-សិស្សផាត់ពណ៌ការេដែលស្មើ នឹង០.៣៥  និង ០.២៥។ -សិស្សឆ្លើយ។ -សិស្សឆ្លើយ។ -សិស្សគណនាលើក្តារឆ្នួន។ - សិស្សសង្កេត។ -គណនាប្រមាណវិធីលើក្តារឆ្នួន។ -កែលម្អគ្នាទៅវិញទៅមក។
-ចែកជា ៨ ក្រុម។ -ផ្តល់ក្រដាសកិច្ចការនិងណែនាំ របៀបធ្វើ -កំណត់ពេលវេលាឱ្យសិស្ស ប្រកួតប្រជែងក្រុមណារួចមុន ហើយត្រឹមត្រូវនឹងទទួលបាន ជ័យជំនះ។ -ឱ្យក្រុមនីមួយៗប្តូរគ្នាកែ។	ជំហានទី ៤ ៖ ពង្រឹងចំណេះដឹង -ល្បែងឆ្មារកត្រីអាំង។ -ប្រកួតប្រជែង។	-សិស្សត្រូវចាប់ផ្តើមគណនាលេខ តាមសញ្ញាព្រួញហើយគណនា បន្តបន្ទាប់គ្នាដើម្បីរកឱ្យឃើញ លេខណាមួយដែល មានផល បូក ស្មើ ១០។ -ទះដៃអបអរសាទរ។
-សិស្សយកសៀវភៅកត់មេរៀន។ -ពេលទៅផ្ទះវិញ ធ្វើលំហាត់ទំព័រ ៦៨ ចំណុច ខ . គ . ង ។	ជំហានទី ៥ បណ្តាំផ្ញើ និងកិច្ចការផ្ទះ លំហាត់ទំព័រ ៦៨ ចំណុច  ខ . គ .ង	- សិស្សកត់មេរៀន។ - សិស្សអនុវត្ត។