ថ្នាំខ្មែរកែរោគ ក្រពះ

ថ្នាំខ្មែរកែរោគ ក្រពះ

បច្ចុប្បន្ននេះ ប្រជាជនកម្ពុជាស្ទើរតែ៩០% ដែលមានជំងឺខាងផ្នែកប្រព័ន្ធរំលាយអាហារ  ដែលភាគច្រើនជាជំងឺក្រពះ។  ប្រសិនបើក្រពះមានបញ្ហានោះ និងធ្វើឱ្យសុខភាព មានការទ្រុឌទ្រោម​ និង ទទួលផលរំខានជាច្រើន។ មានកត្តា​ជាច្រើន  ដែលនាំឱ្យកើតជំងឺនេះ មានដូចជា៖

·         ការបរិភោគអាហាររឹងធ្វើឱ្យក្រពះពិបាករំលាយអាហារ ។

·         ការបរិភោគអាហារដែលមានជាតិហឹរច្រើនហួសកំំណត់ ។

·         ការបរិភោគអាហារមិនទៀងទាត់ពេលវេលា ។

·         ការបរិភោគដែលក្តៅពេក ។

·         ការបរិភោគអាហារភ្លាម​ ទៅងូតទឹកភ្លាម ឬ ទៅធ្វើការភ្លាមៗ ឬសម្រាកភ្លាមៗ ដែលជាហេតុធ្វើឱ្យក្រពះមាន បញ្ហាប្រឈមមុខនិងជំងឺ។

·         កត្តាផ្សេងៗជាច្រើនទៀត.........។

ដូចនេះដើម្បីព្យាបាលជំងឺនេះ នៅពេលមានបញ្ហាក្រពះថ្ងៃនេះ wearelearn សូមលើកយកនូវឱសថបុរាណខ្មែរ មួយប្រភេទដែលផ្សំពីរុក្ខជាតិសុទ្ធសាធ  ងាយស្រួលនិងរកយកមកដាំពិសារ ។

ឱសថបុរាណទាំងនោះផ្សំដោយរុក្ខជាតិដូចជា៖

·         ឬសទំពាំងបាយជូរព្រៃ (បើគ្មានឬសទេអាចយកគល់មកជំនួសក៏បាន)

·         ដើមគុយ

·         ដើមល្វាព្រៃ

·         ដើមឆ្កែស្រែងញី

·         ដើមត្រហិតឈ្នៀង

·         ដើមកណ្ដាប់ចង្អេរ

·         ទ្រមូងសេក (ដាក់សម្រាប់ឱ្យផោម ភាគច្រើនគេមានជំនឿសម្រាប់បញ្ជុះអំពើ)

វិធីធ្វើ៖  យកដើមនិងឬសរុក្ខជាតិទាំងអស់ខាងលើទៅ កាប់ជាចំណិតត្រសក់តូចល្មម រួចដាក់ហាលថ្ងៃឱ្យ    ស្ងួត។ បន្ទាប់មកទៀតយកថ្នាំនោះទៅដាំពិសារ។

បញ្ជាក់៖ ចំពោះថ្នាំដែលដាំក្នុងឆ្នាំងដាក់ម្ដងដាំបានតែបីដងឬ បីតឹកតែប៉ុណ្ណោះ ហើយឧស្សាហ៍កំដៅវាផង។អ្នកជំអឹត្រូវតែតម នូវអាហារ ដែលមានជាតិជូរផ្អូម(ប្រហុក ផ្អក ទឹកត្រី ឬអាហារកំប៉ុង.....) ហឹរ អាហាររឹង (ត្របែក...)។ល។ ជាពិសេសអ្នកជម្ងឺត្រូវពិសារអាហារក្ដៅឧណ្ឌៗតិចៗហើយ ទន់ ដើម្បីងាយស្រួលដល់ប្រព័ន្ធរំលាយ អាហារ។

សរសេរដោយ លោក ម៉ាន់ វាសនា ជាសមាជិកសមាគមន៍ក្រុមអ្នកសិក្សាស្រាវជ្រាវ